மேயாத மான் படத்தின் நடிகையான பிரியா பவானி சங்கர் முன்னணி நடிகையின் கணவருடன் ஜோடியாக நடிக்கவிருப்பதாக கூறப்படுகிறது.
தமிழ் சினிமாவில் நடிகை பிரியா பவானி சங்கர் “மேயாத மான்” என்ற படத்தின் மூலம் அறிமுகமானார். அதன்பின் அவர் நடித்த கடைக்குட்டி சிங்கம், மாஸ்டர் போன்ற படங்களும் நல்ல வரவேற்பினை பெற்றிருந்தது. தற்போது கமல்-ஷங்கர் கூட்டணியில் உருவாகி வரும் ‘இந்தியன்-2’ படத்தில் முக்கிய கதாபாத்திரத்தில் நடிக்கிறார். அதேபோல ‘குருதி ஆட்டம்’ என்ற படத்தில் அதர்வாவுடனும், “பொம்மை” படத்தில் எஸ்.கே சூர்யாவுடனும் மற்றும் ஹரிஷ் கல்யாணுடன் ஜோடியாகவும் ஒரு படத்தில் நடிக்கிறார்.
மேலும் இவர் “அகம் பிரம்மாஸ்மி” என்ற படம் மூலம் தெலுங்கிலும் அறிமுகமாக உள்ளார். இந்த படம் இன்னும் திரைக்கு வரவில்லை. மேலும் ஒரு தெலுங்கு படத்தில் நடிக்க அவருக்கு வாய்ப்பு கிடைத்துள்ளதாக கூறப்படுகிறது. விக்ரம் குமார் இயக்கும் “தேங்யூ” என்ற படத்தில் இவரை நடிக்க பேச்சுவார்த்தை நடைபெற்று வருவதாக தகவல்கள் வெளியாகியுள்ளது. இப்படத்தில் ஹீரோவாக சமந்தாவின் கணவரான நடிகர் நாகசைதன்யா நடிக்க உள்ளார் என்பது குறிப்பிடத்தக்கது.