முன்னணி தொழிலதிபர் நடிக்கும் படத்தில் நகைச்சுவை நடிகர் யோகிபாபு ஒப்பந்தமாகியுள்ளதாக தகவல்கள் கசிந்துள்ளன.
தமிழ்நாட்டின் தொழில் அதிபர்களில் பிரபலமானவர் லெஜன்ட் சரவணா ஸ்டோர் அருள். இவர் தற்போது தமிழ் திரையுலகில் தயாரிப்பாளராகவும் நடிகராகவும் அறிமுகமாகிவுள்ளார். இவர் நடிப்பில் உருவாகும் புதிய படத்தை ஜேடி, ஜெர்ரி ஆகியோர் இணைந்து இயக்குகின்றனர். மேலும் இவர்கள் உல்லாசம், விசில் போன்ற படங்களை இயக்கியுள்ளனர். இந்த படத்தில் அருளுக்கு பாலிவுட் நடிகை ஊர்வசி ரவ்துலா ஜோடியாக நடிக்கிறார்.
இந்த படப்பிடிப்பானது சென்னையில் நடைபெற்று வருகிறது. இதனை அடுத்து இந்த படத்தில் நகைச்சுவை நடிகர் விவேக் நடிக்கவிருந்த கதாபாத்திரத்தில் நடிகர் யோகிபாபு ஒப்பந்தமாகியுள்ளார். இதனால் அவரை படக்குழு உற்சாகமாக கேக் வெட்டி வரவேற்றனர். ஆனால் இது குறித்து படக்குழு அதிகாரபூர்வமாக தகவல்கள் இன்னும் அறிவிக்கவில்லை.