லெஜெண்டுகளுக்கு ஓய்வு கிடையாது- தோனி பற்றி திரைபிரபலங்களின் உருக்கம்…!

மகேந்திர சிங் தோனி சர்வதேச கிரிக்கெட் போட்டிகளில் இருந்து ஓய்வு பெறும் அறிவிப்பினால் திரைபிரபலங்கள் பலரும் உருக்கமான பதிவினை வெளியிட்டுள்ளார்.

இந்திய கிரிக்கெட் அணியின் முன்னாள் கேப்டனும், நட்சத்திர வீரருமான மகேந்திர சிங் தோனி சர்வதேச கிரிக்கெட் போட்டிகளில் இருந்து ஓய்வு பெறும் அறிவிப்பை நேற்று வெளியிட்டார். டோனியின் இந்த திடீர் அறிவிப்பு பலரையும் அதிர்ச்சியில் ஆழ்த்தியது. ஓய்வுபெற்ற தோனிக்கு திரை பிரபலங்கள் பலரும் தங்களின் வாழ்த்துக்களை தெரிவித்து வருகின்றனர். அவர்கள் கருத்தின் தொகுப்பு.

மகேஷ் பாபு:

2011ஆம் ஆண்டு உலகக் கோப்பை இறுதி போட்டியில் நீங்கள் அடித்த சிக்ஸரை எப்படி மறக்க முடியும். பெருமையும், கண்களில் கண்ணீருமாய் வான்கடே மைதானத்தில் நின்றிருந்தேன். ஒருபோதும் கிரிக்கெட் ஒரே மாதிரியாக இருக்காது. வாழ்த்துக்கள் தோனி.

அபிஷேக் பச்சன்:

ஒரு சகாப்தத்தின் முடிவு. அனைத்து நினைவுகளுக்கும் நன்றி டோனி. அடுத்த  இன்னிங்ஸ்க்கு வாழ்த்துக்கள்.

தமன்:

அன்புள்ள தோனி எங்கள் இதயங்களில் ஒருபோதும் ஓய்வு பெறாது இருப்பீர்கள். நூற்றாண்டுகள் ஆனாலும் நீங்கள் தான் எங்களுக்கு பிடித்தமான கேப்டன்.

வெங்கட் பிரபு:

இனிய சுதந்திர தின வாழ்த்துக்கள் தோனி. ஒவ்வொரு ஆண்டுகளில் எங்களுக்கு ஊக்கம் அளித்தமைக்கு மிக்க நன்றி. அற்புதமான நினைவுகளுக்கும் நன்றி.

நயன்தாரா:

அனைத்து அற்புதமான நினைவுகளுக்கும் நன்றி தோனி. அனைவருக்கும் உத்வேகம் அளிப்பவர், ஒரு சிறந்த அணி வீரர். முழு இந்தியாவும் உங்களின் நீல நிறத்தை மிஸ் பண்ணும்.

நிவின் பாலி:

லெஜண்டுகளுக்கு ஓய்வில்லை. அழகான நினைவுகளுக்கு நன்றி. என்றென்றும் கேப்டனாக இருப்பீர்கள். நன்றி தோனி.

ஹரிஷ் கல்யாண்:

எங்களுக்கு தந்த எல்லா நினைவுகளுக்கும் நன்றி சொன்னால் போதாது. என்றென்றும் கேப்டன் கூல் நீங்கள்தான்.

வரலட்சுமி சரத்குமார்:

தோனி போன்ற ஒரு மனிதரை பற்றி நீங்கள் என்ன சொல்ல முடியும், கிரிக்கெட்டுக்குத்தான் நன்றி சொல்ல வேண்டும். எங்களை பெருமைப்படுத்தியதற்கு நன்றி. உங்கள் ஒவ்வொரு மூச்சிலும் எங்களை மகிழ்வித்ததற்கு நன்றி. உங்களைப் போல் இன்னொருவர் இருக்க முடியாது. மேலும் எப்போதும் எங்கள் கேப்டனாக இருங்கள். லவ் யூ தோனி.

விஷ்ணு விஷால்:

உலகெங்கிலும் உள்ள ஏராளமான ரசிகர்களை மகிழ்வித்து ஊக்கப்படுத்தியதற்கு  மிக்க நன்றிதோனி. தொடர்ந்து ஊக்குவியுங்கள்.

ஜிவி பிரகாஷ்:

அன்பான கேப்டன் டோனிக்கு பிரியாவிடை. மிகவும் ஊக்கமளிக்கும் அணி வீரர் மற்றும் எனது மிகப்பெரிய உத்வேகம். நீலநிறத்தில் உங்களை மிஸ் பண்றேன்.

மோகன்லால்:

பிரியாவிடை கேப்டன். உங்கள் எதிர்கால முயற்சிகள் அனைத்திற்கும் வாழ்த்துக்கள்.