இந்தியாவை சேர்ந்த லீனா நாயர் மிகப்பெரிய நிறுவனத்தின் உலகளாவிய சி.இ.ஓ-வாக நியமனம் செய்யப்பட்டுள்ளார்.
இந்தியாவை சேர்ந்த லீனா நாயர் என்ற பெண் பிரான்சில் ஆடம்பர பொருள்கள் மற்றும் ஃபேஷன் ஆடை விற்பனை செய்யும் ஷனேல் நிறுவனத்தின் உலகளாவிய சி.இ.ஓ-வாக தேர்வு செய்யப்பட்டுள்ளார். இதனால் பெப்ஸிகோ நிறுவனத்தை உலகளாவிய சி.இ.ஓ-வாக வழி நடத்தி வரும் இந்திரா நூயி-க்கு பிறகு லீனா நாயரே “உலகளாவிய சி.இ.ஓ-வாக மிகப்பெரிய நிறுவனத்தில் தேர்வு செய்யப்பட்ட இந்திய பெண்மணி” என்ற பெயரை பெறுகிறார். மேலும் ரூ. 75 ஆயிரம் கோடி சந்தை மதிப்புக்களை கொண்டுள்ள ஷனேல் நிறுவனத்திற்கு லோரியால், கூச்சி, லூயீ வியூடான், ஹமீஷ் உள்ளிட்ட நிறுவனங்கள் போட்டியாக இருந்து வருகிறது.
இந்நிலையில் ஷனேல் நிறுவனத்தை வழி நடத்துவதற்காக இந்தியாவைச் சேர்ந்தவரும் யூனிலீவர் நிறுவனத்தின் தலைமை மனிதவள அதிகாரியுமான லீனா நாயர் தேர்வு செய்யப்பட்டுள்ளார். மேலும் மகாராஷ்டிரா மாநிலத்தில் உள்ள கோலாலம்பூரில் பிறந்த லீனா நாயர் மனிதவள படிப்புக்காக ஜம்ஷெத்பூர் XLRI கல்லூரியில் தங்கப் பதக்கம் வென்றுள்ளார் என்பது குறிப்பிடத்தக்கது ஆகும்.