மீதியுள்ள இட்லி மாவில்… காரசாரமான ருசியில்… மொறுமொறுப்பான ரெசிபி செய்து அசத்துங்க..!!

இட்லி மாவு                 – 2 கப்
பெரிய வெங்காயம் – 1
பச்சை மிளகாய்        – 2
கறிவேப்பிலை          – சிறிதளவு
கொத்தமல்லி             – சிறிதளவு
சீரகம்                              – 1/2 டீஸ்பூன்
உப்பு                                – தேவையான அளவு
எண்ணெய்                   – தேவையான அளவு

செய்முறை: 

முதலில் பெரிய வெங்காயம், பச்சை மிளகாய், கொத்தமல்லி இலையை சிறு துண்டுகளாக வெட்டி எடுத்து கொள்ளவும்.

பிறகு ஒரு பாத்திரத்தில் இட்லி மாவை எடுத்து, அதில் நறுக்கிய வெங்காயம்,பச்சை மிளகாய், கறிவேப்பிலை, நறுக்கிய கொத்தமல்லி இலை,சீரகம்,ருசிக்கேற்ப உப்பு போட்டு, கூடுதலாக தண்ணீர்  சேர்க்காமல் நன்கு கெட்டியாகவும், போண்டா மாவு பதத்திற்கும் நன்கு கரண்டியால் கலந்து கொள்ளவும்.

பின்பு  அகலமான கடாயை அடுப்பில் வைத்து, அதில் பொரிக்க தேவைகேற்ப எண்ணெய் ஊற்றி நன்கு கொதிக்க வைக்கவும்.மேலும் எண்ணெய் நன்கு கொதித்ததும், அதில் கலந்து வைத்த இட்லி மாவு கலவையை சிறிய உருண்டைகளாக எடுத்து,கொதிக்கின்ற எண்ணெயில் போட்டு நன்கு வேக வைக்கவும்.

போண்டாவானது நன்கு வெந்ததும், நீளமான கம்பியால் திருப்பி விட்டு, இரு புறமும் சிவக்கும் அளவுக்கு,  வேக வைத்து பொரித்து எடுத்து சூடாக பரிமாறினால், மொறுமொறுப்பான இட்லி மாவு போண்டா ரெடி.

குறிப்பு:

கலந்து வைத்த இட்லி மாவு கலவையில், தண்ணீர் அதிகளவு இருந்தால், அதில் கூடுதலாக சிறிதளவு அரிசி மாவு சேர்த்து நன்கு கலந்து கொள்ளலாம்.