தமிழகத்தில் 21 மாநகராட்சிகள், 138 நகராட்சிகள், 489 பேரூராட்சிகள் என்று 648 நகர்ப்புற உள்ளாட்சி அமைப்புகளில் 12 ஆயிரத்து 601 பதவியிடங்களுக்கு (பிப்.19) ஒரே கட்டமாக தேர்தல் நடைபெற்றது. இந்த தேர்தலுக்கான வாக்கு எண்ணிக்கை இன்று (பிப்.22) காலை 8 மணி அளவில் தொடங்கும் என்று தேர்தல் ஆணையம் அறிவித்திருந்தது.
அதன்படி சென்னையில் 200 வார்டுகளில் பதிவான வாக்குகள் 15 மையங்களில் எண்ணப்படுகிறது. வாக்கு எண்ணிக்கை மையங்களில் பலத்த போலீஸ் பாதுகாப்பு போடப்பட்டுள்ளது. வாக்கு எண்ணிக்கை அலுவலர்கள், வேட்பாளர்களின் முகவர்களுக்கு மட்டும் அனுமதி வழங்கப்பட்டுள்ளது. தற்போது வாக்கு எந்திரங்களில் பதிவான வாக்குகள் எண்ணப்பட்டு வருகிறது.
இந்நிலையில் அன்னவாசல் பேரூராட்சியை அதிமுக கைப்பற்றியுள்ளது. இந்த பேரூராட்சியில் மொத்தமுள்ள 8 பேரூராட்சிகளில் 7-ல் அதிமுக வெற்றி பெற்றுள்ளது. பேராவூரணி, கழுகுமலை, மரக்காணம், அம்மாபேட்டை, செஞ்சி பேரூராட்சியில் திமுக வெற்றி பெற்றுள்ளது. சென்னை மாநகராட்சி 157 வது வார்டில் அதிமுகவின் உஷாராணி 477 வாக்குகள் வித்தியாசத்தில் வெற்றி பெற்றுள்ளார்..