இயக்குனர் லோகேஷ் கனகராஜ் இயக்கத்தில் நடிகர் விஜய் நடிக்கும் தளபதி 67 திரைப்படத்தின் படப்பிடிப்பு குறித்த தகவல் வெளியாகியுள்ளது.
“விக்ரம்” திரைப்படத்தின் மாபெரும் வெற்றிக்கு பிறகு இயக்குனர் லோகேஷ் கனகராஜ் இயக்கத்தில் உருவாகும் திரைப்படத்தின் ஹீரோ விஜய் என்று எல்லோருக்கும் தெரியும். இந்த படத்தில் விஷால், திரிஷா மற்றும் சஞ்சய் தத் போன்றோர் முன்னணி கதாபாத்திரத்தில் நடிக்கவுள்ளதாக ஏற்கனவே தகவல் வெளியாகியுள்ளது.
இந்த திரைப்படத்தின் படப்பிடிப்பு டிசம்பர் மாதம் துவங்கவுள்ளது. 7 ஸ்கிரீன் ஸ்டுடியோஸ் தயாரிக்கும் இந்த படத்திற்கு இசையமைப்பாளர் அனிருத் இசையமைக்கின்றார்.
இதற்கு முன்னதாக கைதி திரைப்படத்தில் காதல் காட்சிகள், பாடல்கள் எதுவும் இல்லாமல் இருப்பது போன்று இந்த படமும் முழுக்க முழுக்க ஆக்சன் படமாக அமையும் என்று தகவல் வெளியாகியுள்ளது. மேலும் காதல் காட்சிகள், பாடல்கள் இல்லாமல் வெளியாகும் முதல் விஜய் படம் தளபதி 67 ஆகும். இந்த படத்தின் படப்பிடிப்பு 170 நாட்களுக்குள் நடத்த திட்டமிட்டு இருப்பதாகவும் அதன்பின் அடுத்த கட்ட பணிகளுக்காக மூன்று மாதம் வரை எடுக்கவுள்ளதாகவும் இயக்குனர் லோகேஷ் கனகராஜ் தகவல் தெரிவித்துள்ளார்.