லண்டனில் உள்ள ஆக்ஸ்போர்டு தெருவில் தீடிரென போலீசார் குவிக்கப்பட்டதால் அங்கு பரபரப்பு ஏற்பட்டது.
பிரித்தானியா தலைநகரான லண்டனில் திடீரென போலீஸ் அதிகாரிகள் குவிக்கப்பட்டதால் பெரும் பரபரப்பு ஏற்பட்டது. இதுகுறித்து காவல்துறை தகவல் ஒன்றை ட்விட்டரில் வெளியிட்டுள்ளனர். அதில் “Westminsterரில் உள்ள ஆக்ஸ்போர்டு தெருவில் மர்மநபர் ஒருவர் கையில் துப்பாக்கியுடன் நுழைந்துள்ளதாக எங்களுக்கு 9.30 மணியளவில் அழைப்பு வந்தது. இதனையடுத்து அந்த இடத்திற்கு சிறப்பு அதிகாரிகள் அனுப்பப்பட்டன.
மேலும் அவர்கள் அங்கு மர்ம நபரைத் தேடும் பணியைத் தொடங்கியுள்ளனர். ஆனால் அங்கு சந்தேகத்திற்குரிய நபர்கள் யாரும் தென்படவில்லை. மேலும் எவருக்கும் எந்த வித பாதிப்பும் ஏற்படவில்லை. இதனை தொடர்ந்து சம்பவ இடத்தில் கூட்டம் ஓன்று கூடியது. இதனால் சிறிய கலவரம் ஏற்பட்டது. குறிப்பாக பலர் அங்கு சந்தேகத்தின் அடிப்படையில் கைது செய்யப்பட்டு காவலில் உள்ளனர்.
https://twitter.com/i/status/1439350577092255747
மேலும் அதிகாரிகள் சம்பவ இடத்தில் உள்ளனர்” என்று Westminster காவல்துறை தெரிவித்துள்ளது. இதனை தொடர்ந்து துப்பாக்கியுடன் ஒருவர் நுழைந்திருக்கிறார் என்ற தகவலும் பொய் என்று கண்டுபிடித்துள்ளனர். ஆனால் அதே சமயம் ஆக்ஸ்போர்டு தெருவில் ஒரு கடைக்கு வெளியே திருட்டு சம்பவம் நடைபெற்றதாக கூறப்படுகிறது என்பது குறிப்பிடத்தக்கது.