லண்டனில் Bermondsey என்ற பகுதியில் 600,000 பவுண்டுகள் மதிப்புடைய வீடு ஒன்று உள்ளது. இந்த நிலையில் திடீரென அந்த வீட்டில் இருந்து இன்று அதிகாலை 1.40 மணி அளவில் சுமார் ஐந்து நிமிடங்கள் பெண் ஒருவர் பயங்கரமாக அலறி அடிக்கும் சத்தம் கேட்கப்பட்டுள்ளது.
இதனை கேட்ட அக்கம்பக்கத்தினர் காவல்துறையினருக்கு தகவல் அளித்தனர். இதனைத் தொடர்ந்து சம்பவ இடத்திற்கு விரைந்து வந்த காவல்துறையினர் அந்த வீட்டிற்குள் நுழையும் போது அவர்கள் கண்ட காட்சி பெரும் அதிர்ச்சியை ஏற்படுத்தியுள்ளது. அதாவது அந்த வீட்டின் படுக்கை அறையில் 3 பெண்கள் மற்றும் ஒரு ஆண் அனைவரும் கத்தியால் குத்தப்பட்ட நிலைமையில் கிடந்துள்ளனர் .
இதனைத் தொடர்ந்து அவர்களை மீட்டு மருத்துவமனைக்கு சிகிச்சைக்காக அனுப்பி வைத்தனர். அப்போது அவர்களை பரிசோதனை செய்த மருத்துவர்கள் சம்பவ இடத்திலேயே அவர்கள் நால்வரும் உயிரிழந்துள்ளதாக தெரிவித்தனர். இந்த சம்பவம் தொடர்பாக காவல்துறையினரால் விசாரணை நடத்தப்பட்டதில்அதே குடும்பத்தை சேர்ந்த ஒருவர் கைது செய்யப்பட்டுள்ளார். இருப்பினும் அவர்கள் உயிரிலந்ததற்கான காரணம் இன்னும் தெரியவில்லை.
இந்த நிலையில் மூன்று பெண்கள் மற்றும் ஒரு ஆண் கொல்லப்பட்ட சம்பவத்தை அறிந்த லண்டன் மேயர் சாதிக் கான் தான்துயரத்தில் ஆழ்ந்துள்ளதாகவும், உயிரிழந்தவர்களின் குடும்பத்தினர் மற்றும் நண்பர்களுக்கு ஆறுதலும் தெரிவித்துள்ளார்.