மகாராஷ்டிரா மாநிலத்தில் தொற்று தொடர்ந்து குறைந்துகொண்டே வருவதால் ஜூன் 7ஆம் தேதி முதல் சில தளர்வுகளை அம்மாநில அரசு அறிவித்துள்ளது.
இந்தியாவில் ஒவ்வொரு நாளும் தொற்று தொடர்ந்து அதிகரித்துக் கொண்டு வந்த காரணத்தினால் பல மாநிலங்களில் ஊரடங்கு அமல்படுத்தப்பட்டது. இதையடுத்து ஊரடங்கு காரணமாக பல மாநிலங்களில் தொற்று தொடர்ந்து குறைந்து கொண்டு வருகின்றது. இதனால் சில தளர்வுகளை அந்தந்த மாநில முதல்வர்கள் அறிவித்து வருகின்றன. அந்த வகையில் மகாராஷ்டிரா மாநிலத்தில் தற்போது தொற்று தொடர்ந்து குறைந்து கொண்டு வருகின்றது.
இதனால் ஜூன் 7ஆம் தேதியுடன் முடிவடைய உள்ள ஊரடங்குக்கு பிறகு சில தளர்வுகளை அறிவிக்க உள்ளதாக அம்மாநில அரசு தெரிவித்துள்ளது. அதன்படி அத்தியாவசியப் பொருள்கள் அனைத்தும் காலை முதல் மாலை 4 மணி வரை இயங்க அனுமதி வழங்கியுள்ளது. மால்கள், தியேட்டர்கள் 50 சதவீத பார்வையாளர்களுடன் இயங்கலாம் என தெரிவித்துள்ளது. கட்டுப்பாடுகளில் உள்ள மாவட்டங்களுக்கு தளர்வுகள் கிடையாது எனவும், அங்கு முழு ஊரடங்கு அமலில் இருக்கும் எனவும் தெரிவித்துள்ளது.