லாரி மோதிய விபத்தில் மாற்றுத்திறனாளி உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள மல்லையநாயக்கன்பட்டி பகுதியில் மாற்றுத்திறனாளியான வீரஓவுரெட்டி என்பவர் வசித்து வந்துள்ளார். இவர் வயலுக்கு உரம் வாங்கிவிட்டு தனது மூன்று சக்கர வாகனத்தில் வீட்டிற்கு சென்று கொண்டிருந்தார். அப்போது ஆர்.ஆர்.நகர் சாலையில் சென்று கொண்டிருந்த போது எதிரே வந்த லாரி வீரஓவுரெட்டி வந்த மூன்று சக்கர வாகனத்தின் மீது மோதி விபத்து நேர்ந்துள்ளது. இந்த விபத்தில் வீரஓவுரெட்டி சம்பவ இடத்திலேயே பரிதாபமாக உயிரிழந்துவிட்டார்.
இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று வீரஓவுரெட்டியின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வீரஓவுரெட்டியின் சகோதரரான தமிழ்வாணன் என்பவர் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் லாரி ஓட்டுநரான பால்ராஜ் என்பவரை கைது செய்து தீவிர விசாரணை மேற்கொண்டு வருகின்றனர்.