இதுதானே அளவில்லா பாசம்… தள்ளாத வயதிலும் துணை நிற்கும் கணவர்… மருத்துவமனையில் நெகிழ்ச்சி சம்பவம்…!!

தள்ளாடும் வயதில் தடுப்பூசி போடுவதற்காக தனது மனைவியை கணவர் தூக்கி சென்ற சம்பவம் அனைவரையும் வியக்க வைத்துள்ளது.

கோயம்புத்தூர் மாவட்டத்திலுள்ள துடியலூர் அரசு மருத்துவமனையில் கொரோனா தடுப்பூசி போடும் பணியானது தீவிரமாக நடைபெற்றுக் கொண்டிருக்கிறது. இந்நிலையில் 72 வயது மதிக்கத்தக்க முதியவர் தள்ளாடும் வயதில் நடக்க முடியாத தனது மனைவியை காரில் தடுப்பூசி போடுவதற்காக அழைத்துச் சென்றுள்ளார்.

அதன் பின் மனைவியை காரிலிருந்து தூக்கி மருத்துவமனைக்குள் சென்றுள்ளார். இதனையடுத்து மனைவிக்கு தடுப்பூசி போட்ட பிறகு அந்த முதியவர் தூக்கிக் கொண்டு அவரை காருக்குள் சென்று அமர வைத்துள்ளார். இவ்வாறு வயது முதிர்ந்த போதிலும் கணவர் மனைவியை அக்கறையோடு தூக்கி சென்ற சம்பவம் அனைவரையும் நெகிழ வைத்தது.