மாடி படியிலிருந்து தவறி கீழே விழுந்து டிரைவர் உயிரிழந்த சம்பவம் சோகத்தை ஏற்படுத்தியுள்ளது.
திருவண்ணாமலை மாவட்டத்திலுள்ள களம்பூர் பகுதியில் சசிகுமார் என்பவர் வசித்து வந்துள்ளார். இவர் டிரைவராக வேலை பார்த்து வந்துள்ளார். இவருக்கு இன்னும் திருமணம் ஆகவில்லை. இந்நிலையில் சசிகுமார் கடந்த 12-ந் தேதி வீட்டின் மாடியில் தூங்கி கொண்டிருந்தார். இதனையடுத்து சசிகுமார் தூங்கி எழுந்து மாடி படியிலிருந்து கீழே இறங்கி வந்து கொண்டிருந்தார்.
அப்போது மொட்டை மாடியில் இருந்து சசிகுமார் தவறி கீழே விழுந்துள்ளார். இதில் பலத்த காயமடைந்த சசிகுமாரை அருகிலிருந்தவர்கள் மீட்டு ஆரணி அரசு மருத்துவமனையில் சிகிச்சைக்காக அனுமதித்தனர். அங்கு அளிக்கப்பட்ட சிகிச்சை பலனின்றி சசிகுமார் பரிதாபமாக உயிரிழந்தார். மேலும் இதுகுறித்து வழக்கு பதிவு செய்த களம்பூர் காவல்துறையினர் விசாரணை மேற்கொண்டு வருகின்றனர்.