மாபெரும் கொரோனா தடுப்பூசி முகாமில் 80,787 நபர்களுக்கு தடுப்பூசி போடப்பட்டிருக்கிறது.
கடலூர் மாவட்டத்தில் உள்ள தகுதி வாய்ந்த அனைவருக்கும் கொரோனா தடுப்பூசி செலுத்தப்பட்டு வருகிறது. இந்நிலையில் மாபெரும் கொரோனா தடுப்பூசி முகாம் 6 பகுதிகளில் காலை 7 மணி முதல் இரவு 7 மணி வரை நடைபெற்றுள்ளது. இந்த சிறப்பு முகாமை கலெக்டர் நேரில் சென்று ஆய்வு செய்துள்ளார்.
அப்போது பொதுமக்கள் இந்த அரிய வாய்ப்பை பயன்படுத்தி முதல் மற்றும் இரண்டாம் தவணை தடுப்பூசி போட்டு நோய் தொற்றிலிருந்து முற்றிலும் தங்களைப் பாதுகாத்துக் கொள்ள வேண்டும் என வலியுறுத்தியுள்ளார். மேலும் இந்த முகாமில் மொத்தமாக 80, 787 நபர்களுக்கு தடுப்புசி செலுத்தப்பட்டுள்ளது.