மோட்டார் சைக்கிளில் மதுபாட்டில்களை கடத்தி வந்த நபரை காவல்துறையினர் கைது செய்துள்ளனர்.
திருப்பூர் மாவட்டத்தில் உள்ள காங்கேயம் பகுதியில் திடீரென காவல்துறையினர் வாகன சோதனையில் ஈடுபட்டுள்ளனர். அப்போது சந்தேகத்திற்கு இடமான வகையில் மோட்டார் சைக்கிளில் சென்றவரை காவல்துறையினர் மடக்கி பிடித்தனர். இதனையடுத்து அவர் வந்த மோட்டார் சைக்கிளை காவல்துறையினர் சோதனை செய்தனர். அப்போது அதில் 235 மது பாட்டில்கள் இருப்பது காவல்துறையினருக்கு தெரியவந்துள்ளது.
இதனையடுத்து காவல்துறையினர் நடத்திய விசாரணையில் மோட்டார் சைக்கிளில் மதுபாட்டில்கள் கடத்தி வந்தவர் சிவன்மலை பகுதியில் வசிக்கும் நாகராஜ் என்பது தெரியவந்துள்ளது. மேலும் இது குறித்து வழக்குப்பதிவு செய்த காவல்துறையினர் அவரிடம் இருந்த 235 மதுபாட்டில்கள், 70 ஆயிரத்து 570 ரூபாய் ரொக்க பணம் மற்றும் மோட்டார் சைக்கிளை பறிமுதல் செய்ததோடு நாகராஜை கைது செய்து விசாரணை மேற்கொண்டு வருகின்றனர்.