மது விற்பனை செய்த வாலிபரை காவல்துறையினர் கைது செய்துள்ளனர்.
திண்டுக்கல் மாவட்டத்தில் உள்ள அணைப்பட்டி பகுதியில் தாலுகா போலீஸ் சப்-இன்ஸ்பெக்டர் விஜய், ஜாபர் ஆகியோர் தலைமையில் காவல்துறையினர் தீவிர ரோந்து பணியில் ஈடுபட்டிருந்தனர். அப்போது அங்கு சந்தேகத்திற்கிடமான வகையில் ஒருவர் நின்று கொண்டிருந்தார். இதனைப் பார்த்த காவல்துறையினர் அவரை மடக்கிப் பிடித்து விசாரணை நடத்தினர்.
அந்த விசாரணையில் அவர் அதே பகுதியில் வசிக்கும் விஜயன் என்பதும் அவர் சட்டவிரோதமாக மது விற்பனை செய்ததும் காவல்துறையினருக்கு தெரியவந்துள்ளது. இதனையடுத்து காவல்துறையினர் விஜயனை கைது செய்ததோடு அவரிடம் இருந்த 10 மது பாட்டில்களையும் பறிமுதல் செய்துள்ளனர்.