சட்டவிரோதமாக மது விற்ற 2 பேரை காவல்துறையினர் கைது செய்துள்ளனர்.
திருப்பூர் மாவட்டத்தில் உள்ள ஏரிப்பாளையம் பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். அப்போது சந்தேகத்திற்கிடமான வகையில் ஒருவர் நின்று கொண்டிருந்தார். இதனை பார்த்த காவல்துறையினர் அவரை மடக்கி பிடித்து விசாரணை நடத்தினர். அந்த விசாரணையில் அவர் ஏரிப்பாளையம் பகுதியில் வசிக்கும் முருகேசன் என்பது காவல்துறையினருக்கு தெரிய வந்துள்ளது. மேலும் அவர் அனுமதியின்றி மதுபாட்டில்களை கூடுதல் விலைக்கு விற்பனை செய்து வந்ததும் காவல்துறையினருக்கு தெரியவந்துள்ளது.
இதுகுறித்து வழக்கு பதிவு செய்த காவல்துறையினர் முருகேசனை கைது செய்து அவரிடமிருந்த 18 மது பாட்டில்களையும் பறிமுதல் செய்தனர். அதைப்போல் மலையாண்டிபட்டினம் பகுதியில் மது விற்பனை செய்த உரல்பட்டி பகுதியில் வசிக்கும் ஜோதிகண்ணன் என்பவரை கைது செய்ததோடு அவரிடமிருந்த 18 மது பாட்டில்களையும் காவல்துறையினர் பறிமுதல் செய்தனர்.