சட்டவிரோதமாக மது விற்பனையில் ஈடுபட்டவரை காவல்துறையினர் கைது செய்துள்ளனர்.
திருப்பூர் மாவட்டத்திலுள்ள வெள்ளகோவில் பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். அப்போது சந்தேகத்திற்கிடமான வகையில் ஒருவர் நின்றுகொண்டிருந்தார். இதனைபார்த்த காவல்துறையினர் அவரை மடக்கி பிடித்து விசாரணை நடத்தினர். அந்த விசாரணையில் அவர் ராமநாதபுரம் மாவட்டத்தில் வசிக்கும் மகாலிங்கம் என்பது காவல்துறையினருக்கு தெரியவந்துள்ளது.
மேலும் மகாலிங்கம் சட்டவிரோதமாக மது பாட்டில்களை விற்பனை செய்து வந்ததும் காவல்துறையினருக்கு தெரியவந்துள்ளது. மேலும் இது குறித்து வழக்கு பதிவு செய்த காவல்துறையினர் மகாலிங்கத்தை கைது செய்ததோடு அவரிடமிருந்த மது பாட்டில்களையும் பறிமுதல் செய்து விசாரணை மேற்கொண்டு வருகின்றனர்.