மகன் இறந்த துக்கத்தில் தாய் விஷம் குடித்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள திசையன்விளை பகுதியில் சின்னதுரை என்பவர் வசித்து வருகிறார். இவருக்கு மாரியம்மாள் என்ற மனைவி இருந்துள்ளார். இவருடைய மூத்த மகனான மகராஜன் கடந்த சில மாதங்களுக்கு முன்பு விஷம் குடித்து தற்கொலை செய்து கொண்டுள்ளார். இதனால் மன வேதனையில் இருந்த மாரியம்மாள் திடீரென விஷம் குடித்து மயங்கி கிடந்துள்ளார்.
இதனை பார்த்த உறவினர்கள் மாரியம்மாளை மீட்டு பாளையங்கோட்டை அரசு மருத்துவமனையில் சிகிச்சைக்காக அனுமதித்தனர். அங்கு அளிக்கப்பட்ட சிகிச்சை பலனின்றி மாரியம்மாள் பரிதாபமாக உயிரிழந்தார். மேலும் இதுகுறித்து வழக்கு பதிவு செய்த திசையன்விளை காவல்துறையினர் விசாரணை மேற்கொண்டு வருகின்றனர்.