பணிமனையில் நின்ற பேருந்தை மர்ம நபர் ஒருவர் ஓட்டி சென்றுள்ளது பெரும் பரபரப்பை ஏற்படுத்தியுள்ளது.
தமிழகத்தில் கொரோனா பரவல் காரணமாக ஊரடங்கு அமல்படுத்தப்பட்டது. இதையடுத்து சென்னையில் பேருந்து சேவைகள் நிறுத்தப்பட்டன. தற்போது கொரோனா பரவல் சற்று குறைந்த நிலையில் சென்னையில் கடந்த சில வாரங்களாக மாநகர பேருந்துகள் இயக்கப்பட்டு வருகிறது. இந்நிலையில் சென்னை மாநகர பேருந்து ஒன்றை மர்ம நபர் ஒருவர் திடீரென ஓட்டிச் சென்றதால் பெரும் பரபரப்பு ஏற்பட்டுள்ளது.
சென்னை அண்ணாநகர் பணிமனையில் இருந்து மாநகர பேருந்து ஒன்றினை மர்ம நபர் ஒருவர் ஓட்டிச் சென்றுள்ளார். இதனால் பணிமனையில் பெரும் பரபரப்பு ஏற்பட்டுள்ளது. இதையடுத்து ஜிபிஎஸ் மூலம் பாடி மேம்பாலம் பக்கத்தில் மாயமான பேருந்து நிற்பதை காவல்துறையினர் கண்டுபிடித்துள்ளனர். இதையடுத்து அந்த பகுதிக்கு விரைந்து சென்ற காவல்துறையினர் பேருந்தை பணிமனைக்கு கொண்டுசென்றுள்ளனர். இது குறித்து காவல்துறையினர் தற்போது விசாரணை நடத்தி வருகின்றனர்.