மக்களிடையே கொரோனா தடுப்பு ஆற்றல் எவ்வளவு இருக்கிறது என்று கண்டறியும் பரிசோதனை நடைபெற்றது.
திருவாரூர் மாவட்டத்திலுள்ள கூத்தாநல்லூர் பகுதியில் மக்களிடையே கொரோனா தடுப்பு ஆற்றல் எவ்வளவு இருக்கிறது என்று கண்டறியும் “ஆன்டிபாடி” பரிசோதனை நடைபெற்றது. இந்தப் பரிசோதனையை மருத்துவர் யுவராஜ் தலைமையில், மருத்துவ குழுவினர் மேற்கொண்டனர்.
எனவே கூத்தாநல்லூர், மேல் கொண்டாழி தீன் நகரில் 4 பேர் கொரோனா தொற்றால் பாதிக்கப்பட்டு இருப்பதால் அப்பகுதியில் 30 பேருக்கு ரத்த மாதிரி பரிசோதனைமேற்கொள்ளப்பட்டது. இந்த பரிசோதனையின் போது சுகாதார ஆய்வாளர் அருண்குமார், மேற்பார்வையாளர் வாசுதேவன், அண்ணாமலை மற்றும் தூய்மை இந்தியா திட்ட பணியாளர்கள், அங்கன்வாடி பணியாளர்கள் ஆகியோர் இருந்தனர்.