மாமனிதன் திரைப்படத்தில் இரண்டாவது டீசர் வெளியாகி வைரலாகி வருகிறது.
தமிழ் சினிமாவில் பிரபல முன்னணி நடிகராக வலம் வருபவர் விஜய் சேதுபதி. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இதற்கிடையில் ஏப்ரல் 28ஆம் தேதி விக்னேஷ் சிவன் இயக்கத்தில் விஜய்சேதுபதி நடிப்பில் காத்து வாக்குல ரெண்டு காதல் திரைப்படம் வெளிவர இருக்கிறது.
இந்த நிலையில் சீனு ராமசாமி இயக்கத்தில் இவர் நடிப்பில் தற்போது உருவாகியுள்ள திரைப்படம் ”மாமனிதன்”. இந்த படத்தில் காயத்ரி, அணிகா மற்றும் பலர் முக்கிய கதாபாத்திரங்களில் நடித்துள்ளனர். இந்த படத்தின் டீசர் மற்றும் சில பாடல்கள் வெளியாகி ரசிகர்கள் மத்தியில் நல்ல வரவேற்ப்பை பெற்றது. இதற்கிடையில் மாமனிதன் திரைப்படம் மே 6ம் தேதி வெளியாகும் என முதல் ட்ரெய்லரில் அறிவிக்கப்பட்டிருந்தது. ஆனால் இரண்டாவது ட்ரெய்லரில் விரைவில் வெளியாகும் என்று மட்டுமே குறிப்பிட்டுள்ளனர்.
இதனால் மாமனிதன் திரைப்படம் தற்போது வெளிவராமல் தள்ளிப் போகிறதா என்று கேள்விகள் எழுந்துள்ளது. இதற்கிடையில் மாமனிதன் திரைப்படத்திற்கு யு சான்று கிடைத்துள்ளது. மேலும் இப்படத்தில் முதல் முறையாக அவருடைய இளைய மகன் யுவன் சங்கர் ராஜாவும் சேர்ந்து இசையமைக்க உள்ளார்கள் என்பது குறிப்பிடத்தக்கது.