மாங்காய் பறிக்க முயன்ற போது வாலிபர் தவறி விழுந்து உயிரிழந்த சம்பவம் சோகத்தை ஏற்படுத்தியுள்ளது.
சிவகங்கை மாவட்டத்திலுள்ள காரைக்குடி பகுதியில் சொக்கலிங்கம் என்பவர் வசித்து வந்துள்ளார். இவர் தனது வீட்டின் அருகில் உள்ள மாமரத்தில் மாங்காய் பறிக்க முயற்சித்துள்ளார். அப்போது சொக்கலிங்கம் எதிர்பாராதவிதமாக நிலை தடுமாறி தவறி கீழே விழுந்தார். இதனால் சொக்கலிங்கத்தின் தலையில் பலத்த காயம் ஏற்பட்டது.
இதனைப் பார்த்ததும் அருகிலுள்ளவர்கள் காயமடைந்த சொக்கலிங்கத்தை மீட்டு அரசு மருத்துவமனைக்கு சிகிச்சைக்காக அழைத்து சென்றனர். ஆனால் சொக்கலிங்கம் மருத்துவமனைக்கு செல்லும் வழியிலேயே பரிதாபமாக உயிரிழந்தார். மேலும் இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.