காணாமல் போன ஆடுகளை தேடி சென்ற நபரை 4 பேர் மின்கம்பத்தில் கட்டிவைத்து அடித்த சம்பவம் பரபரப்பை ஏற்படுத்தி உள்ளது.
புதுக்கோட்டை மாவட்டத்தில் உள்ள சூலூர் பகுதியில் கங்காதரன் என்பவர் வசித்து வருகிறார். இவருக்கு சொந்தமான 5 ஆடுகளை மர்ம நபர்கள் திருடி சென்றுள்ளனர். இந்நிலையில் காணாமல் போன தனது ஆடுகளை தேடி சென்ற ரங்கா தேவன் மலைகுடிபட்டி கிராமத்தில் வசிக்கும் வெள்ளைச்சாமி, முருகேசன், கார்த்திக் ஆகியோரிடம் இது குறித்து கேட்டுள்ளார். அப்போது இரு தரப்பினருக்கு இடையே மோதல் ஏற்பட்டுள்ளது.
இந்நிலையில் கோபமடைந்த வெள்ளைச்சாமி உட்பட 4 பேரும் கங்காதரனை கம்பத்தில் கட்டி வைத்துள்ளனர். அதன்பிறகு கிரிக்கெட் மட்டையால் அவர்கள் கங்காதரனை தாக்கியுள்ளனர். இதனால் படுகாயமடைந்த கங்காதரனை அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்துள்ளனர். இதுகுறித்த புகாரின் பேரில் வழக்குப்பதிவு செய்த காவல்துறையினர் தலைமறைவான வெள்ளைச்சாமி உட்பட 4 பேரை வலைவீசி தேடி வருகின்றனர்.