சலூன் கடைக்காரர் தூக்கிட்டு தற்கொலை செய்துகொண்ட சம்பவம் சோகத்தை ஏற்படுத்தியுள்ளது.
திருவள்ளூர் மாவட்டத்தில் உள்ள ஒண்டிகுப்பம் சேரன் தெருவில் டில்லிபாபு என்பவர் வசித்துவருகிறார். இவர் காக்களூரில் உள்ள வீர ஆஞ்சநேயர் தெருவில் சலூன் கடை நடத்தி வந்துள்ளார். இந்நிலையில் இரவு வெகு நேரம் ஆகியும் டில்லிபாபு வீட்டிற்கு திரும்பாததால் சந்தேகம் அடைந்த அவரது மனைவி கடைக்கு சென்று பார்த்துள்ளார். அப்போது அங்கு டில்லிபாபு தூக்கு போட்டு தற்கொலை செய்து கொண்டார்.
இச்சம்பவம் குறித்து திருவள்ளூர் தாலுகா போலீசிற்கு தகவல் தெரிவிக்கப்பட்டது. இதனையடுத்து சம்பவ இடத்திற்கு விரைந்து வந்த போலீசார் அவரது உடலை மீட்டு திருவள்ளூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் சம்பவம் குறித்து வழக்கு பதிவு செய்த போலீசார் அவர் எதற்காக தற்கொலை செய்து கொண்டார் என்ற காரணம் குறித்து தீவிரமாக விசாரித்து வருகின்றனர்.