காதலி பேசாமல் இருந்ததால் மன உளைச்சலில் இருந்த வாலிபர் தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
கன்னியாகுமரி மாவட்டத்தில் உள்ள தெற்கு கொண்டால் பகுதியில் கிருஷ்ணமூர்த்தி என்பவர் வசித்து வருகிறார். இவருக்கு ஒரு மகன் உள்ளார். இவர் டிரைவராக பணிபுரிந்து வந்துள்ளார். இவரும் அப்பகுதியில் வசிக்கும் மற்றொரு இளம் பெண்ணும் ஒருவரை ஒருவர் காதலித்துள்ளனர். இந்நிலையில் அந்தப் பெண் இவருடன் பத்து நாட்கள் பேசாமல் இருந்த காரணத்தால் மன உளைச்சலில் இருந்த விக்னேஷிர்கு அவரது நண்பர்கள் ஆறுதல் கூறி உள்ளனர்.
இதனையடுத்து விக்னேஷ் தனது வீட்டின் படுக்கை அறைக்குச் சென்று வெகு நேரமாகியும் வெளியே வராததால் உறவினர்கள் அங்கு சென்று பார்த்தபோது அவர் தூக்கிட்டு தற்கொலை செய்து கொண்டதை கண்டு அதிர்ச்சி அடைந்தனர். இதுகுறித்து உடனடியாக கன்னியாகுமரி காவல்நிலையத்திற்கு தகவல் தெரிவிக்கப்பட்டுள்ளது. அதன்பின் சம்பவ இடத்திற்கு விரைந்து சென்ற போலீசார் அவரின் உடலை மீட்டு ஆசாரிபள்ளம் அரசு மருத்துவக்கல்லூரி மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்த கன்னியாகுமரி போலீசார் தீவிர விசாரணை மேற்கொண்டு வருகின்றனர்.