எல்லாம் கரெக்டா தானே இருந்துச்சு… திடீரென அறுந்து விழுந்த கயிறு… சந்தேகத்தில் மகன் அளித்த புகார்…!!

டிராக்டரில் இருந்து கீழே விழுந்தவர் பலியான சம்பவம் சோகத்தை ஏற்படுத்தியுள்ளது.

விருதுநகர் மாவட்டத்தில் உள்ள செங்கமலப்பட்டியில் ராஜேந்திரன் என்பவர் வசித்து வருகிறார். இவர் வைக்கோல் லோடை தனக்கு சொந்தமான டிராக்டரில் ஏற்றி கொண்டு அதனை கயிறு போட்டு கட்டியுள்ளார். இந்நிலையில் கட்டியிருந்த கயிறை சரி பார்த்துக் கொண்டிருக்கும் போது, திடீரென கயிறு அறுந்து டிராக்டரில் இருந்து ராஜேந்திரன் கீழே விழுந்துவிட்டார். இதனால் அவரின் தலையில் பலத்த காயம் ஏற்பட்டுள்ளது.

இதனையடுத்து அருகில் இருந்தவர்கள் அவரை மீட்டு சிவகாசி அரசு மருத்துவமனைக்கு சிகிச்சைக்காக கொண்டு சென்றனர். இதனை தொடர்ந்து மேல் சிகிச்சைக்காக மதுரை அரசு மருத்துவமனையில் அனுமதிக்கப்பட்ட ராஜேந்திரனுக்கு மருத்துவர்கள் அளித்த சிகிச்சை பலனளிக்காமல் பரிதாபமாக உயிரிழந்துவிட்டார். இதுகுறித்து சிவகாசி கிழக்கு காவல் நிலையத்தில் ராஜேந்திரனின் மகன் ராஜசேகர் புகார் அளித்தார். அந்த  புகாரின் பேரில் வழக்குப்பதிவு செய்த போலீசார் தீவிர விசாரணை மேற்கொண்டு வருகின்றனர்.