வெளியே சென்ற கடை உரிமையாளர்…. திடீரென நடந்த துயர சம்பவம்…. தவிக்கும் குடும்பத்தினர்….!!

டிராக்டர் மீது கார் மோதிய விபத்தில் மளிகை கடை உரிமையாளர் உயிரிழந்த சம்பவம் சோகத்தை ஏற்படுத்தியுள்ளது.

திருப்பூர் மாவட்டத்தில் உள்ள சிவனதபுரம் பகுதியில் லிப்சன் என்பவர் கடந்த 20 ஆண்டுகளுக்கும் மேலாக காய்கறி மற்றும் மளிகை கடை நடத்தி வந்துள்ளார். இவருக்கு சுஜாதா என்ற மனைவி உள்ளார். இந்த தம்பதிகளுக்கு இரண்டு குழந்தைகள் இருக்கின்றனர். இந்நிலையில் தனது காய்கறி கடைக்கு தேவையான காய்கறிகளை வாங்குவதற்காக லிப்சன் காரில் வெள்ளகோவிலில் இருந்து திருப்பூருக்கு சென்றுள்ளார். இதனை அடுத்து இவரது கார் வெள்ளகோயில்-காங்கயம் ரோட்டில் சென்று கொண்டிருந்த போது, முன்னால் வைக்கோல் ஏற்றி சென்ற டிராக்டரின் பின்புறம் எதிர்பாராதவிதமாக இவரின் கார் மோதி விட்டது.

இதில் படுகாயமடைந்த லிப்சன் சம்பவ இடத்திலேயே பரிதாபமாக உயிரிழந்து விட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று அவரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்த வெள்ளகோவில் காவல்துறையினர் தீவிர விசாரணை மேற்கொண்டு வருகின்றனர்.