திடீரென மக்களை கத்தியால் குத்தி தாக்குதல் நடத்திய மர்ம நபர் காவல்துறையினரால் சுட்டுக் கொல்லப்பட்டுள்ளார்
ஸ்காட்லாந்தின் கிளாஸ்கோ நகரில் ஸ்டெர்வெல் என்ற அதிக வசதிகள் கொண்ட சொகுசு விடுதி ஒன்று உள்ளது. அங்கு இன்று வழக்கம் போல் வாடிக்கையாளர்களும் ஊழியர்களும் அவர்களது வேலையில் ஈடுபட்டுக் கொண்டிருந்த சமயம் திடீரென அங்கு மர்ம நபர் ஒருவர் கத்தியுடன் நுழைந்துள்ளார். அவர் அங்கிருந்தவர்கள் மீது கொலைவெறி தாக்குதலை நடத்தியுள்ளார். இதனால் பயந்து போன ஊழியர்கள் மற்றும் வாடிக்கையாளர்கள் அங்கிருந்து தப்பிச் செல்ல முயற்சித்துள்ளனர்.
அப்போது அந்த மர்ம நபர் தப்பி ஓடிய மக்களை கொடூரமாக கத்தியால் குத்தியுள்ளார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து மக்களை கத்தியால் குத்தி தாக்குதல் நடத்தியவரை துப்பாக்கிச்சூடு நடத்தி கொன்றனர். ஆனால் மர்ம நபரின் செய்கையால் மூன்று பேர் பரிதாபமாக உயிரிழந்து 6 பேர் படுகாயங்களுடன் மருத்துவமனையில் அனுமதிக்கப்பட்டுள்ளனர். இங்கிலாந்தில் கடந்த 21ஆம் தேதி இதேபோன்ற ஒரு சம்பவம் நிகழ்ந்து 3 பேர் உயிரிழந்தது குறிப்பிடத்தக்கது.
