தென்னாப்பிரிக்காவிலிருந்து நெதர்லாந்திற்கு சென்ற விமானத்தின் சக்கரத்தில் ஒரு நபர் சுமார் 11 மணி நேரங்களாக மறைந்திருந்து பயணித்த சம்பவம் பரபரப்பை ஏற்படுத்தியுள்ளது.
இத்தாலி நிறுவனத்திற்குரிய சரக்கு விமானமானது தென்னாப்பிரிக்காவில் உள்ள ஜோகன்னஸ்பர்க் நகரிலிருந்து நேற்று முன்தினம் புறப்பட்டிருக்கிறது. அதன்பிறகு, கென்யாவின் நைரோபி என்ற பகுதியில் தரையிறங்கியது. அப்போது ஒரு நபர், விமான சக்கரம் இருந்த இடத்தில் மறைந்திருந்து பயணம் மேற்கொண்டது கண்டறியப்பட்டது.
அதாவது சுமார் பதினோரு மணி நேரங்களாக அந்த நபர் விமான சக்கரம் இருக்கக்கூடிய இடத்தில் மறைந்திருந்திருக்கிறார். பயங்கர ஆபத்து மிகுந்த இந்த பயணத்தை செய்த அந்த நபர் தற்போது உயிருடன் இருக்கிறார் என்று அதிகாரிகள் தெரிவித்துள்ளனர்.
அந்த நபர் குறித்த தகவல்கள் உறுதியாக தெரியவில்லை என்றும் அவர் மருத்துவமனையில் அனுமதிக்கப்பட்டிருப்பதாகவும் அதிகாரிகள் கூறியுள்ளனர்.