மில் தொழிலாளி தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
கோயம்புத்தூர் மாவட்டத்திலுள்ள அன்னூர் காவல்துறையினருக்கு சத்திகிரில் சாமி தோட்டம் அருகே ஆண் பிணம் கிடப்பதாக தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்ற காவல்துறையினர் அந்த நபரின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். இதனையடுத்து காவல்துறையினர் நடத்திய விசாரணையில் இறந்து கிடந்த வாலிபர் திருவண்ணாமலை மாவட்டத்தில் இருக்கும் வடகாடு பகுதியில் வசித்து வந்த பரமசிவம் என்பது தெரியவந்துள்ளது.
இவர் கோட்டப்பாளையம் பகுதியில் தங்கியிருந்து அப்பகுதியில் உள்ள ஒரு மில்லில் பணிபுரிந்து வந்ததும், தற்கொலை செய்துகொண்டதும் காவல்துறையினர் நடத்திய விசாரணையில் தெரியவந்துள்ளது. மேலும் இச்சம்பவம் குறித்து வழக்குப்பதிவு செய்த காவல்துறையினர் அவர் தற்கொலை செய்து கொண்டதற்கான காரணம் குறித்து தீவிர விசாரணை மேற்கொண்டு வருகின்றனர்.