ஆட்டு குட்டியை திருட முயற்சித்த நபரை காவல்துறையினர் கைது செய்துள்ளனர்.
கோயம்புத்தூர் மாவட்டத்திலுள்ள காரமடை பகுதியில் சங்கரப்பன் என்பவர் வசித்து வருகிறார். இவர் தனது வீட்டில் ஆடுகளை வளர்த்து வந்துள்ளார். இந்நிலையில் சங்கரப்பன் ஆடுகளை மேய்த்துக் கொண்டிருக்கும் போது மோட்டார் சைக்கிளில் ஒரு மர்ம நபர் அங்கு சென்றுள்ளார். இதனையடுத்து அந்த நபர் சங்கரப்பனுக்கு சொந்தமான ஒரு ஆட்டு குட்டியை திருடி விட்டு அங்கிருந்து தப்பி செல்ல முயன்றுள்ளார்.
இதனை பார்த்ததும் அங்கிருந்தவர்கள் உடனடியாக அந்த நபரை பிடித்து காவல் நிலையத்தில் ஒப்படைத்து விட்டனர். அதன்பிறகு அவரை கைது செய்து காவல் துறையினர் விசாரணை நடத்தியுள்ளனர். அந்த விசாரணையில் அந்த நபர் பன்னிமடை பகுதியில் வசிக்கும் ராஜா என்பது காவல்துறையினருக்கு தெரியவந்துள்ளது. மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.