சட்ட விரோதமாக மணல் கடத்திய 3 பேரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள நாசரேத் பகுதியில் சட்டவிரோதமாக மணல் அள்ளுவதாக காவல்துறையினருக்கு ரகசிய தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்ற காவல்துறையினர் தீவிர ரோந்து பணியில் ஈடுபட்டிருந்தனர். அப்போது வைத்தியலிங்கபுரத்திலுள்ள ஒரு ஓடையில் 3 பேர் மணல் அள்ளிக் கொண்டிருந்தனர்.
இதனைப் பார்த்த காவல்துறையினர் அவர்களை மடக்கி பிடித்து விசாரணை நடத்தினர். அந்த விசாரணையில் அவர்கள் வைத்தியலிங்கபுரம் பகுதியில் வசிக்கும் மனோகர், சுடலை கண்ணு, சுந்தர் என்பது காவல்துறையினருக்கு தெரிய வந்துள்ளது. இதனையடுத்து காவல்துறையினர் 3 பேரையும் கைது செய்ததோடு அவர்களிடம் இருந்த டிராக்டரையும் பறிமுதல் செய்தனர்.