சாகுபுரம் கமலாவதி பள்ளி மாணவர் 10-ம் வகுப்பு (சிபிஎஸ்இ) தேசிய திறனாய்வு தேர்வில் வெற்றி பெற்றுள்ளார்.
அறிவாற்றல், கல்வியில் திறமை இருக்கின்ற 10-ம் வகுப்பு மாணவர்களுக்கான தேசிய திறனாய்வு தேர்வில் வெற்றிபெறும் மாணவர்களுக்கு ஆராய்ச்சி மேற்படிப்பு வரை மாதந்தோறும் உதவித்தொகை கொடுக்கப்படுகின்றது. இந்நிலையில் தூத்துக்குடி மாவட்டத்திலுள்ள சாகுபுரம் கமலாவதி பள்ளியில் பிளஸ் 2 மாணவர் ஆர்.சஞ்சய் என்பவர் தேசிய அளவிலான திறனாய்வு தேர்வில் வெற்றி பெற்றுள்ளார். இதனால் பிளஸ் 2 பயிலும் வரை மாதம் 1,250 ரூபாய், இளங்கலை மற்றும் முதுகலை படிக்கும் வரை மாதம் 2 ஆயிரம் ரூபாய் மற்றும் முனைவர் பட்டப்படிப்பு படிக்கும் வரையிலும் உதவித்தொகை பெறுவதற்கு ஆர்.சஞ்சய் தகுதி அடைந்துள்ளார்.
எனவே இந்த மாணவர் இளம் விஞ்ஞானிகள் ஊக்கத்திட்டத்தின் கீழ் உதவித்தொகை பெறும் தேர்விலும் தேசிய அளவில் 5-வது இடத்தை வகித்துள்ளார். இதனால் பள்ளி டிரஸ்டியான டிசிடபிள்யூ நிறுவனத் தலைவர் முடித்ஜெயின், மூத்த செயல் உதவித் தலைவர் ஜி. ஸ்ரீனிவாசன், மூத்த பொது மேலாளர் பி.ராமச்சந்திரன், முதல்வர் ஆர்.சண்முகானந்தன், துணை முதல்வர் எஸ்.அனுராதா, தலைமை ஆசிரியர் இ.ஸ்டீபன் பாலாசிர் மற்றும் ஆசிரியர்கள் அனைவரும் மாணவர் ஆர்.சஞ்சய்யை பாராட்டியுள்ளனர்.