இயக்குனர் மணிரத்தினத்தின் பொன்னியின் செல்வன் படப்பிடிப்புக்காக நடிகை ஐஸ்வர்யாராய் ஹைதராபாத் சென்றுள்ளார்.
தமிழ் திரையுலகில் பிரபல இயக்குனர் மணிரத்னம் இயக்கத்தில் ‘பொன்னியின் செல்வன்’ திரைப்படம் தயாராகி வருகிறது . இந்த படம் தமிழ் ,தெலுங்கு ,ஹிந்தி உட்பட சில மொழிகளில் தயாராகிறது . பிரம்மாண்டமாக தயாராகி வரும் இந்தப் படத்தில் ஜெயம் ரவி, கார்த்தி, விக்ரம், சரத்குமார் ,ஜெயராம் ,திரிஷா ,ஐஸ்வர்யா ராய், ஐஸ்வர்யா லட்சுமி ,லால் உட்பட ஏராளமான நடிகர்கள் நடிகைகள் நடித்து வருகின்றனர் . லைகா புரொடக்ஷன்ஸ் தயாரிக்கும் இந்த படத்திற்கு ரவிவர்மன் ஒளிப்பதிவு செய்கிறார். இந்த படத்திற்கு இசைப்புயல் ஏ. ஆர்.ரஹ்மான் இசையமைக்கிறார் .
இந்த படத்தில் நடிகை ஐஸ்வர்யாராய் இரண்டு வேடங்களில் நடிப்பதாக கூறப்படுகிறது . இந்தப் படத்தின் படப்பிடிப்பு தாய்லாந்தில் பிரம்மாண்ட செட் அமைக்கப்பட்டு நடைபெற்று வந்தது. இதையடுத்து புதுச்சேரியில் அடுத்த கட்ட படப்பிடிப்பு நடைபெற்றது . இதன் பின்னர் ஹைதராபாத்தில் நடைபெற்று வந்த படப்பிடிப்பு கொரோனா ஊரடங்கு காரணமாக நிறுத்தி வைக்கப்பட்டது. இந்நிலையில் மீண்டும் இந்த படத்தின் படப்பிடிப்புகள் தொடங்கியுள்ளதால் நடிகை ஐஸ்வர்யா ராய் ஹைதராபாத் சென்றுள்ளார். கொரோனா பரவல் காரணமாக 10 மாதங்களாக எங்கும் செல்லாமல் இருந்த ஐஸ்வர்யா ராய் தற்போது ‘பொன்னியின் செல்வன்’ படப்பிடிப்பிற்காக வீட்டை விட்டு வெளியேறியுள்ளார் .