“மனித கடவுள்”… மருத்துவர்களுக்காக இத பண்ணுங்க… சிவகார்த்திகேயன்..!!

நடிகர் சிவகார்த்திகேயன் மருத்துவர்களை மனித கடவுள் என்றும் அவர்களுக்கு என்னுடைய நன்றி என்றும் தெரிவித்துள்ளார்.

சிவகார்த்திகேயன் கூறியதாவது; நமக்காக வெளியே கஷ்டப்பட்டு உழைத்து கொண்டிருக்கும் அரசாங்கம், அரசு அதிகாரிகள், காவல் துறை, செவிலியர்கள், பாராமெடிக்கல் ஸ்டாப்ஸ், தூய்மைப் பணியாளர்கள், ஊடகத்துறை நண்பர்கள் அனைவருக்கும் மிக்க நன்றி. இவர்களோடு சேர்த்து இன்னொருவருக்கும் நன்றி கூறுகிறேன். அவர்களுடைய உயிர், அவர்களுடைய வாழ்க்கை, குடும்பம் என்பதை யோசிக்காமல் கொரோனா பாதிக்கப்பட்டவர்களை குணப்படுத்த வேண்டும் என்பதற்காக வெளியில் வந்து அவர்களுடைய சேவையை செய்கின்ற  மனிதக் கடவுள்கள் மருத்துவர்கள்.

அவர்களுக்கு பெரிய நன்றி. அவர்கள் மேல் நமக்கு எப்பொழுதும் அன்பு, மரியாதை நிறைய இருக்கிறது. ஆனால் சமீபத்தில் வந்த செய்திகள், சம்பவங்கள் அவர்களை ரொம்பவே காயப்படுத்தி இருக்கும். நமக்கும் அதை பார்க்கும்போது ரொம்ப கஷ்டமா இருந்திருக்கும். இந்த கொரோனோவை பற்றி பயப்படாமல் யோசிக்காமல்  அவர்களுடைய வேலையை சிறப்பாக செய்து கொண்டிருப்பவர்கள் மருத்துவர்கள். அவர்களின் செயல் மூலமாக நமக்காக அவர்கள் இருக்கிறார்கள் என்பதை நிரூபித்திருக்கிறார்கள்.

இந்த நேரம் நாம் அவர்களுக்காக இருக்கிறோம் என்று கூறக்கூடிய நேரம் இதுதான்.  நீங்களும் உங்கள் அன்பு, சப்போர்ட் கொடுங்கள். போஸ்ட் பண்றது மூலமாகவோ அல்லது ஹேஷ்டேக் மூலமாகவும் நம்முடைய அன்பும், மரியாதையும் அவர்களுக்கு போய் சேரட்டும். இந்த தருணத்தில் அவர்களின் தேவை அதுதான். நாம் எல்லோரும் செய்வோம் என்று நம்புகிறேன். உலகின் தலைசிறந்த சொல் செய், செய்து காட்டுவோம். WE LOVE DOCTORS….