காவல்துறையினர்களுக்கான மாரத்தான் போட்டியை சூப்பிரண்டு சக்தி கணேசன் கொடியசைத்து தொடங்கி வைத்துள்ளார்.
கடலூர் மாவட்டத்திலுள்ள சிதம்பரம் பகுதியில் நகர காவல்துறையினர் சார்பில் காவல்துறையினர்களுக்கான மாரத்தான் போட்டி நடைபெற்றுள்ளது. இதை முன்னிட்டு அண்ணாமலைப் பல்கலைக்கழகத்தில் இருக்கும் வேளாண்மை கல்லூரி அருகாமையில் உள்ள ஹெலிபேட் மைதானத்தில் இந்நிகழ்ச்சி நடைபெற்றது. இதற்கு சிதம்பரம் துணை காவல்துறை சூப்பிரண்டு ரமேஷ் ராஜ் தலைமை தாங்கியுள்ளார்.
அதன்பின் இதற்கு இன்ஸ்பெக்டர் ஆறுமுகம் முன்னிலை வகித்துள்ளார். இதனையடுத்து காவல்துறை சூப்பிரண்டு சக்தி கணேசன் சிறப்பு அழைப்பாளராக கலந்து கொண்டு போட்டியை கொடியசைத்து தொடங்கி வைத்துள்ளார். பின்னர் காவல்துறையினரின் மனவலிமையை உயர்த்தும் வகையில் நடைபெற்ற இந்தப் போட்டியில் காவல் நிலையங்களில் வேலைப் பார்க்கும் 200-க்கும் அதிகமான காவல்துறையினர் கலந்து கொண்டுள்ளனர்.
இதனைத் தொடர்ந்து இப்போட்டி பொறியியல் கல்லூரி அருகாமையிலிருக்கும் ராஜேந்திர சிலை பகுதிக்கு சென்று மீண்டும் வேளாண்துறை கல்லூரியில் உள்ள மைதானத்திற்கு வந்தடைந்துள்ளனர். மேலும் இப்போட்டியின் முதல் 10 இடங்களை பிடித்தவர்களுக்கு சூப்பிரண்டு சக்தி கணேசன் புத்தகங்களை பரிசாக வழங்கியுள்ளார்.