கார் ஓட்டுனரை கொலை செய்து சடலத்தை மர்மநபர்கள் வயலில் வீசி சென்ற சம்பவம் பரபரப்பை ஏற்படுத்தியுள்ளது.
மதுரை மாவட்டத்திலுள்ள மெய்யப்பன்பட்டி- கோட்டைமேடு சாலையோரம் இருக்கும் வயலில் வாலிபர் ஒருவர் கொலை செய்யப்பட்டு சடலமாக கிடந்துள்ளார். இதனை பார்த்த பொதுமக்கள் உடனடியாக காவல்துறையினருக்கு தகவல் தெரிவித்துள்ளனர். அந்த தகவலின்படி சம்பவ இடத்திற்கு விரைந்து சென்ற காவல்துறையினர் வாலிபரின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர்.
மேலும் இதுகுறித்து வழக்குப்பதிவு செய்த காவல்துறையினர் நடத்திய விசாரணையில் சடலமாக மீட்கப்பட்ட நபர் தேனி மாவட்டத்திலுள்ள தேவதானப்பட்டியில் வசித்த பாண்டியன் என்பது தெரியவந்துள்ளது. இவர் மதுரை விமான நிலையத்தில் வாடகை கார் ஓட்டுனராக வேலை பார்த்து வந்துள்ளார். மேலும் பாண்டியனை கொலை செய்த மர்ம நபர்களை தனிப்படை காவல்துறையினர் வலைவீசி தேடி வருகின்றனர்.