மர்ம நபர்களின் வேலை…. நகை மற்றும் பணம் கொள்ளை…. வலைவீசி தேடும் காவல்துறையினர்….!!

வீட்டின் பூட்டை உடைத்து மர்ம நபர்கள் நகை மற்றும் பணத்தை கொள்ளையடித்துச் சென்றுள்ளனர்.

தஞ்சாவூர் மாவட்டத்தில் உள்ள சத்யா என்பவர் தனது கணவருடன் வெளிநாட்டில் வசித்து வருகின்றார். இந்நிலையில் தஞ்சாவூரில் உள்ள சத்யாவின் வீட்டை அவரது தந்தை பாண்டியன் பராமரித்து வந்துள்ளார். இதனையடுத்து பாண்டியன் வீட்டை பூட்டி விட்டு வெளியே சென்றுள்ளார். அதன் பின் மீண்டும் வீட்டிற்கு வந்த பாண்டியன் வீட்டின் முன்பக்க கதவு உடைக்கப்பட்டு இருப்பதை கண்டு அதிர்ச்சி அடைந்துள்ளார்.

மேலும் வீட்டின் உள்ளே சென்று பார்த்தபோது பீரோவில் இருந்த தங்கநகை மற்றும் பணம் மர்ம நபர்களால் திருடப்பட்டுள்ளதை பாண்டியன் அறிந்துள்ளார். இதுகுறித்து பாண்டியன் தஞ்சாவூர் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் வீட்டில் கொள்ளையடித்துச் சென்ற மர்ம நபர்களை தேடும் பணியில் ஈடுபட்டுள்ளனர்.