புது மருந்துகளின் பரிசோதனையை விலங்குகள் மீது மட்டுமல்லாது ஆய்வகங்களில் வளா்க்கப்படும் மனித திசுக்கள் மற்றும் செல்கள் மீதும் மேற்கொள்வதற்கு வழிவகுக்கும் அடிப்படையில் புதிய மருந்துகள், மருத்துவ பரிசோதனைகள் விதிகள்-2019ல் உரிய திருத்தங்களை மேற்கொள்ள மத்திய அரசு நடவடிக்கை எடுத்து வருகிறது. அதே நேரம் புதியதாக உருவாக்கப்படக்கூடிய மருந்துகளின் பாதுகாப்பையும், திறனை உறுதிபடுத்துவதிலும் முன் பரிசோதனைகள் மிகவும் அவசியமாகும்.
அந்த அடிப்படையில் புது மருந்துகளின் பரிசோதனையில் புத்தாக்க தொழில்நுட்ப தளங்களைப் பயன்படுத்தும் விதமாக விதிகளை திருத்துவதற்கான வரைவு அறிவிக்கையை மத்திய அரசானது சமீபத்தில் வெளியிட்டது. அதன்படி விலங்குகள் மீதான பரிசோதனைக்கு முன்பு (அ) அதனுடன் இணைந்து ஆய்வகங்களில் வளா்க்கப்படும் மனிததிசுக்கள், செல்களின் மீது மருந்துகளை பரிசோதித்து பாா்க்க இயலும்.
அமெரிக்காவிற்கு அடுத்தபடியாக மருந்து பரிசோதனையில் புத்தாக்க தொழில் நுட்பங்களைப் பயன்படுத்தும் 2வது நாடாக இந்தியா மாறும் என அதிகாரிகள் தெரிவித்தனா். விலங்குகள் மீதான வழக்கமான பரிசோதனைகள் உடன் புத்தாக்க வழிமுறைகளையும் பயன்படுத்தும் போது, மருந்துகளின் ஆய்வு வெற்றி 70 -80 % வரை மேம்படும். இதனிடையில் பல்வேறு இனகுழுக்கள் இடையில் மருந்துகளின் திறன் வேறுபாட்டைக் கண்டறியவும் இவை உதவும் என கூறப்படுகிறது.