நடிகர் ஹிப்ஹாப் ஆதி இரண்டாவதாக இயக்கும் படம் குறித்த தகவல் வெளியாகியுள்ளது .
தமிழ் திரையுலகில் இசையமைப்பாளர் ஹிப் ஹாப் ஆதி ஆம்பள ,தனி ஒருவன், அரண்மனை2 ,கதகளி ,இமைக்காநொடிகள் ,கோமாளி ,ஆக்ஷன் ,கத்திச்சண்டை உட்பட பல திரைப்படங்களுக்கு இசையமைத்துள்ளார் . இவர் மீசைய முறுக்கு படத்தின் மூலம் கதாநாயகனாக அறிமுகமானார் . இந்தப் படத்தை அவரே இயக்கி இருந்தார் . இதைத்தொடர்ந்து ஹிப்ஹாப் ஆதி நட்பேதுணை ,நான் சிரித்தால் ஆகிய திரைப்படங்களில் கதாநாயகனாக நடித்திருந்தார் . இவர் நடிப்பில் வெளியான இந்தத் திரைப்படங்கள் ரசிகர்கள் மத்தியில் நல்ல வரவேற்ப்பை பெற்றது .
இந்நிலையில் ஹிப்ஹாப் ஆதி இரண்டாவதாக இயக்கும் படம் குறித்த தகவல் வெளியாகியுள்ளது . ‘சிவகுமாரின் சபதம்’ என்ற டைட்டில் வைக்கப்பட்டுள்ள இந்த படத்தில் அவரே ஹீரோவாக நடிக்கிறார் . இந்த படத்தை சத்யஜோதி ஃபிலிம்ஸ் நிறுவனம் தயாரித்துள்ளது . மேலும் ஹிப்ஹாப் ஆதி அஸ்வின் ராம் இயக்கத்தில் நடித்து வரும் ‘அன்பறிவு’ படத்தையும் சத்யஜோதி பிலிம்ஸ் நிறுவனம் தயாரித்து வருவது குறிப்பிடத்தக்கது .