‘தளபதி 67’ படம் குறித்த தகவல் ஒன்று இணையத்தில் வெளியாகியுள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் தளபதி விஜய். இயக்குனர் நெல்சன் இயக்கத்தில் இவர் நடிப்பில் சமீபத்தில் வெளியான திரைப்படம் ”பீஸ்ட்”. இந்த திரைப்படம் ரசிகர்கள் மத்தியில் நல்ல வரவேற்பு பெற்று வருகிறது. இதனையடுத்து இயக்குனர் வம்சி இயக்கத்தில் இவர் ‘தளபதி66’ படத்தில் நடித்து வருகிறார். ராஷ்மிகா மந்தனா கதாநாயகியாக நடிக்கும் இந்த படத்தின் படப்பிடிப்பு விறுவிறுப்பாக நடைபெற்று வருகிறது.
இந்த படத்திற்காக ரசிகர்கள் அனைவரும் காத்துக் கொண்டிருக்கின்றனர். இந்நிலையில், ‘தளபதி 67’ படம் குறித்த தகவல் ஒன்று இணையத்தில் வெளியாகியுள்ளது. அதன்படி, லோகேஷ் கனகராஜ் இந்த படத்தை இயக்க இருப்பதாக கூறப்படுகிறது. மேலும், இந்த படத்திற்கு அனிருத் இசையமைக்க உள்ளதாகவும் தகவல் வெளியாகியுள்ளது.