மாஸ்டர் படத்தை பாராட்டி ஈஸ்வரன் பட இயக்குனர் சுசீந்தரன் வீடியோ ஒன்றை வெளியிட்டுள்ளார் .
தமிழ் திரையுலகில் நட்சத்திர நாயகனாக வலம் வரும் விஜய் நடிப்பில் உருவாகியுள்ள மாஸ்டர் படம் இன்று மிக பிரம்மாண்டமாக திரையரங்குகளில் வெளியாகியுள்ளது. இந்தப் படத்தைப் பார்த்த ரசிகர்களும் ,பிரபலங்களும் சமூக வலைத்தளங்களில் பெரும்பாலும் பாசிட்டிவ் விமர்சனங்களை தெரிவித்து வருகின்றனர். அந்த வகையில் பிரபல இயக்குனர் சுசீந்திரன் மாஸ்டர் படத்தை பாராட்டி தனது சமூக வலைத்தள பக்கத்தில் வீடியோ ஒன்றை வெளியிட்டுள்ளார் . அதில் மாஸ்டர் படத்தை முதல் நாள் முதல் காட்சி பார்த்துள்ளதாக கூறியுள்ளார்.
#firstdayfirstshow #master படம் பார்த்தேன்.ஒரு வருடம் கழித்து மீண்டும் திருவிழாகோலம். #vijay சாருக்கு இது ஒரு மாஸ்டர் பீஸ். @Dir_Lokesh ஸ்கிரீன்பிளே பிரமாதம்.வில்லதனத்தை ரசிக்கிறமாதிரி விஜய்சேதுபதி பண்ணிருக்கிறாரு. அனைவருக்கும் வாழ்த்துக்கள்.. #eeswaran டைரக்டர் #Suseinthiran pic.twitter.com/Hk7YSlG6AJ
— Johnson PRO (@johnsoncinepro) January 13, 2021
இதையடுத்து அந்த வீடியோவில் ‘ஒரு வருடம் கழித்து மீண்டும் திருவிழாவிற்கு வந்தது போன்ற உணர்வு இருந்தது. துப்பாக்கி படத்திற்கு பிறகு விஜய்யின் படங்களில் எனக்கு மிக பிடித்த படம் மாஸ்டர் தான். விஜய்க்கு ஒரு மாஸ்டர் பீஸாக இந்த படம் அமையும் . நடிகர் விஜய் மிகப் பிரமாதமாக நடித்துள்ளார் . விஜய் அவர்களுக்கு இந்த மாதிரி ஒரு கதையை செய்ததற்கு லோகேஷ் கனகராஜ்க்கு வாழ்த்துக்கள் . மேலும் அவர் விஜய் சேதுபதியின் வில்லத்தனத்தை ரசிக்கும்படி செய்திருக்கிறார் . படக்குழுவுக்கு எனது மனமார்ந்த வாழ்த்துக்கள்’ எனக் கூறியுள்ளார். நாளை இயக்குனர் சுசீந்திரன் இயக்கத்தில் சிம்பு நடிப்பில் உருவாகியுள்ள ‘ஈஸ்வரன்’ படம் திரையரங்கில் வெளியாக உள்ளது குறிப்பிடத்தக்கது .