‘மாஸ்டர்’ படத்தில் விஜய் வளர்த்த பூனை இப்போது யார் வீட்டில் இருக்கிறது ? என்பது குறித்த தகவல் வெளியாகியுள்ளது .
தமிழ் திரையுலகில் நட்சத்திர நாயகனாக வலம் வரும் விஜய் நடிப்பில் வெளியான திரைப்படம் ‘மாஸ்டர்’ . பொங்கல் விருந்தாக திரையரங்குகளில் வெளியான இந்த படம் வசூலை வாரிக் குவித்துள்ளது . இயக்குனர் லோகேஷ் கனகராஜ் இயக்கத்தில் உருவான இந்த படத்தில் விஜய் சேதுபதி, மாளவிகா மோகனன், ஆண்ட்ரியா, சஞ்சீவ் ,அர்ஜுன் தாஸ் உள்ளிட்ட பலர் நடித்திருந்தனர். மேலும் இந்த படத்தில் நடிகர் விஜய் ஒரு பூனையை வளர்ப்பது போன்ற காட்சிகள் இடம் பெற்றிருந்தது. இந்நிலையில் இந்த பூனை தற்போது எங்கே இருக்கிறது? என்ற தகவல் வெளியாகியுள்ளது .
https://twitter.com/SanjeeveVenkat/status/1355405341123510274
‘மாஸ்டர்’ படத்தில் நடித்தவரும் நடிகர் விஜய்யின் நெருங்கிய நண்பர்களில் ஒருவருமான சஞ்சீவ் வீட்டில் தான் இந்த பூனை வளர்ந்து வருகிறது . இதுகுறித்து சஞ்சீவ் தனது ட்விட்டர் பக்கத்தில் புகைப்படம் ஒன்றை வெளியிட்டு ‘நீங்கள் யூகித்தது சரிதான் . ஜேடி வளர்த்த பூனை பாதுகாப்பாக எங்கள் வீட்டில் தான் இருக்கிறது’ என்று பதிவிட்டுள்ளார். அந்த புகைப்படத்தில் மாஸ்டர் பட பூனை அவரது மகள் அருகே இருப்பது குறிப்பிடத்தக்கது .