சட்டவிரோதமாக மது விற்பனை செய்த வாலிபரை காவல்துறையினர் கைது செய்துள்ளனர்.
சிவகங்கை மாவட்டத்திலுள்ள இளையான்குடி பகுதியில் ரியாஸ்கான் என்பவர் வசித்து வருகிறார். இந்நிலையில் ரியாஸ்கான் சட்டவிரோதமாக மது விற்பனை செய்வதாக காவல்துறையினருக்கு ரகசிய தகவல் கிடைத்துள்ளது. அந்தத் தகவலின் படி காவல்துறையினர் ரியாஸ்கான் வீட்டில் திடீர் சோதனையில் ஈடுபட்டுள்ளனர். அப்போது ரியாஸ்கான் தனது வீட்டில் மது பாட்டில்களை பதுக்கி வைத்திருந்தது தெரியவந்துள்ளது.
இதனையடுத்து ரியாஸ்கானை சட்டவிரோதமாக மது பாட்டில்களை பதுக்கி வைத்து விற்பனை செய்த குற்றத்திற்காக காவல்துறையினர் அவரை கைது செய்துள்ளனர். மேலும் அவரிடம் இருந்த 21 மது பாட்டில்கள் மற்றும் 4300 ரூபாய் பணம் போன்றவற்றை காவல்துறையினர் பறிமுதல் செய்துள்ளனர். இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.