மதுவுடன் மருந்து கலந்து கூடுதல் விலைக்கு விற்பனை செய்த நபரை காவல்துறையினர் கைது செய்துள்ளனர்.
ராணிப்பேட்டை மாவட்டத்தில் உள்ள மேலபுலம்புதூர் பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். அப்போது எம்.ஜி.ஆர் நகரில் வசிக்கும் ரமேஷ் என்பவர் தனது வீட்டின் பின்புறத்தில் மதுபானம் விற்பனை செய்தது காவல்துறையினருக்கு தெரியவந்துள்ளது.
இதனையடுத்து ரமேஷை கைது செய்து அவரிடம் இருந்த 10 மதுபான பாட்டில்களை காவல்துறையினர் பறிமுதல் செய்துள்ளனர். இதனை தொடர்ந்து அவரை விசாரணை நடத்தியதில் அவர் டாஸ்மாக் கடையில் மது பாட்டில்களை வாங்கி வந்து மூடியை அகற்றி கூடுதல் போதைக்காக மதுவில் மருந்து கலந்து விற்பனை செய்தது காவல்துறையினருக்கு தெரியவந்தது. மேலும் இது குறித்து வழக்குபதிவு செய்த காவல்துறையினர் தீவிர விசாரணை மேற்கொண்டு வருகின்றனர்.