இராமநாதபுரம் மாவட்டம் கமுதி அருகே இருக்கும் முதல்நாடு கிராமம் கண்மாய் கரையில் எல்லைப்பிடாரி மாரியம்மன் பீடம் உள்ளது. இங்கு ஆண்டுக்கு ஒருமுறை ஆண்கள் மட்டும் வழிபடும் வினோத திருவிழா நடைபெறுவது வழக்கம். இதன்படி கடந்த வருடம் இந்த ஆண்டு வழிபாட்டிற்கான தேதி குறிக்கப்பட்டு நேற்று அம்மன் வழிபாடு நடைபெற்றது. இந்த நிகழ்ச்சியை ஒட்டி கைக்குத்தல் பச்சரிசி சாதம் சமைக்கப்பட்டு உருண்டைகளாக உருட்டி படையலிடபட்டது.
அதே போல பலியிடப்பட்ட்ட ஆடுகள் சமைக்கப்பட்ட இறைச்சி அம்மனுக்கு படைக்கப்பட்டது. அம்மனுக்கு படைக்கப்பட்ட பொருட்களை பெண்கள் பார்க்க கூடாது என்பதால் மீதமிருந்த சாப்பாடு உள்ளிட்ட பொருட்கள் அனைத்தும் அங்கேயே புதைக்கப்பட்டது. இதில் கமுதி மற்றும் அதன் சுற்று வட்டாரத்தில் இருந்து 5 ஆயிரத்துக்கும் மேற்பட்ட ஆண்கள் கலந்து கொண்டு அம்மனை வழிபட்டனர்.