மீதமுள்ள ஐபிஎல் போட்டிகளை நடத்தி முடிப்பது, சவாலாக இருக்கும் என்று ராஜஸ்தான் ராயல்ஸ் அணியின் உரிமையாளர் தெரிவித்துள்ளார் .
14 வது ஐபிஎல் தொடர் கடந்த மாதம் 9-ம் தேதி முதல் தொடங்கி நடைபெற்று வந்தது.ஆனால் போட்டியில் இடம்பெற்ற ஒரு சில வீரர்களுக்கு, தொற்று பாதிப்பு ஏற்பட்டதால் போட்டியை காலவரையின்றி ஒத்தி வைப்பதாக பிசிசிஐ அறிவித்தது. இதனால் போட்டியில் பங்குபெற்ற வெளிநாட்டு வீரர்கள் தங்கள் நாடுகளுக்கு திரும்பியுள்ளனர். ஆனால் 29 லீக் போட்டிகள் வெற்றிகரமாக முடிந்துள்ள நிலையில் ,மீதமுள்ள 31 போட்டிகளை நடத்துவது பற்றி பிசிசிஐ ஆலோசித்து வருகிறது. இந்நிலையில் ஐபிஎல் போட்டியில் மீண்டும் நடைபெற்றால், இங்கிலாந்து வீரர்கள் போட்டியில் பங்கேற்க மாட்டார்கள் ,என்று அந்நாட்டு கிரிக்கெட் வாரியம் தெரிவித்துள்ளது.
இதுகுறித்து ராஜஸ்தான் ராயல்ஸ் அணியின் உரிமையாளரான மனோஜ் படேலே கூறும்போது, ஐபிஎல் போட்டியில் நடத்தி முடிப்பது சவாலாக இருப்பதாக கருதுகிறேன். எனவே இந்த ஆண்டிற்குள் மீதமுள்ள போட்டியை, நடத்தி முடிப்பதற்கான வாய்ப்புகள் தெரியவில்லை. ஏனெனில் மற்ற நாட்டு வீரர்கள் அனைவரும் சர்வதேச போட்டி மற்றும் டெஸ்ட் தொடரில் விளையாட உள்ளனர். இந்நிலையில் மீதமுள்ள ஐபிஎல் போட்டியை நடத்துவது சற்று சவாலாகவே இருக்கும். எனவே உலகக் கோப்பை டி20 தொடர் தொடங்குவதற்கு முன்பாகவோ அல்லது பிறகோ போட்டி நடத்துவதற்கான வாய்ப்புகள் உள்ளதாக , கூறியுள்ளார்.