4 வயது சிறுமியை கூலித்தொழிலாளி ஒருவர் பாலியல் பலாத்காரம் செய்ய முயற்சி செய்த சம்பவம் பரபரப்பை ஏற்படுத்தியுள்ளது.
சேலம் மாவட்டத்தில் உள்ள உடையார்பாளையம் பகுதியில் விக்னேஸ்வரன் என்பவர் வசித்து வருகிறார். இவர் ஒரு கூலித் தொழிலாளியாக பணிபுரிந்து வருகிறார். இந்நிலையில் அதே பகுதியில் வசிக்கும் 4 வயது சிறுமியிடம் மிட்டாய் வாங்கித் தருவதாகக் கூறி தன்னுடைய வீட்டின் பின்புறத்தில் இருக்கும் காலி இடத்துக்கு அழைத்துச் சென்றுள்ளார். அப்போது அவ்விடத்தில் வைத்து சிறுமியை பாலியல் பலாத்காரம் செய்ய முயற்சி செய்ததாக கூறப்படுகிறது.
இதனால் பயந்த சிறுமி அழுது கொண்டே அங்கிருந்து ஓடி வந்து தன்னுடைய பெற்றோரிடம் நடந்ததை கூறியுள்ளார். இதனைக் கேட்டு கோபமடைந்த சிறுமியின் பெற்றோர் மற்றும் உறவினர்கள் விக்னேஸ்வரனை பிடித்து தாறுமாறாக அடித்துள்ளனர். அதன்பின் இது குறித்து தகவல் அறிந்த காவல்துறையினர் விரைந்து சென்று விக்னேஸ்வரனை பிடித்து விசாரித்துள்ளனர்.
இதனையடுத்து அச்சிறுமியை அரசு மருத்துவமனையில் சேர்த்துள்ளனர். பின்னர் சிறுமின் உறவினர்கள் கோபமடைந்து தாறுமாறாக அவரை அடித்த நிலையில் தற்போது சிகிச்சைக்காக விக்னேஸ்வரனை அரசு மருத்துவமனையில் அனுமதித்துள்ளனர். இதனைத் தொடர்ந்து காவல்துறையினரின் பாதுகாப்புடன் அவருக்கு அங்கு சிகிச்சை அளிக்கப்பட்டு வருகிறது. இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.