மேற்குவங்காளத்தில் சட்டப்பேரவைத் தேர்தலுக்காக பிரச்சாரம் செய்து வந்த ராகுல் காந்திக்கு தொற்று உறுதி செய்யப்பட்டுள்ளது.
மேற்கு வங்காளத்தில் பிரச்சாரத்தில் ஈடுபட்டு வந்த காங்கிரஸ் எம்பி ராகுல்காந்திக்கு கொரோனா வைரஸ் உறுதி செய்யப்பட்டுள்ளதாக தகவல் வெளியாகியுள்ளது. இதுகுறித்து தனது ட்விட்டர் பக்கத்தில் ராகுல்காந்தி “உடல் நிலையில் பாதிப்பு ஏற்பட்ட காரணத்தினால் பரிசோதனை செய்து கொண்டதில் லேசான அறிகுறிகள் இருப்பதாக மருத்துவர்கள் தெரிவித்துள்ளனர்.
அதன்பிறகு தற்போது கொரோனா வைரஸ் தொற்று உறுதி செய்யப்பட்டுள்ளது. மேலும் சில தினங்களுக்கு முன்பு என்னை சந்தித்த அனைவரும் அவர்களை தனிமைப்படுத்தி கொள்ளுமாறு கேட்டுக் கொண்டுள்ளார்”. இந்நிலையில் மேற்கு வங்காள சட்டப்பேரவைத் தேர்தலுக்கான பிரச்சாரம் செய்து கொண்டிருந்தார்.
கொரோனா பரவல் காரணமாக 2 நாட்களுக்கு முன்பு பிரச்சாரத்தை தவிர்த்துள்ளார். இதனை தொடர்ந்து முன்னாள் பிரதமர் மன்மோகன் சிங்கிற்கு தொற்று உறுதி செய்யப்பட்டிருந்த நிலையில் தற்போது ராகுல் காந்திக்கும் தொற்று உறுதி செய்யப்பட்டிருப்பது குறிப்பிடத்தக்கது.
.